2019年4月24日

派對遊戲介紹 - 最刺激的俄羅斯輪盤賭命大對決 - 賭命大賽

話咁快上季2019冬日本動畫檔已經完結，狂賭之淵XX亦隨之完結同時官方亦公佈推出其真人版電視劇，除咗劇中引人入勝嘅顏藝外，故事中瘋狂刺激的賭命遊戲亦十分出位，想真人親身體驗嘅你相信依款<賭命大賽>就好適合你同你班朋友啦！

遊戲支援最大6人遊玩，每位玩家均帶同3位同伴(代死羔羊)參加這場以著名*俄羅斯輪盤進行的賭命大賽！每個遊戲回合中，參加者下注自己能在開多少發左輪手鎗的情況下生存(0-5發)，所有開鎗後仍能生存的人能夠獲得開鎗次數＋1的分數。

遊戲繼續進行直至其中一位玩家達到15分為止，生存到最後或者最高分的玩家能夠得到賭命之王的稱號！

因每位玩家都帶同3位隊友出席，故每人死前均有3次中彈機會搵隊友捱子彈，識玩嘅當然可以盡情下注開5鎗唔死，但聰明少少嘅你亦可以係每回合開始時選擇收埋粒實彈，入哂6粒空彈落支左輪度，咁樣就算開幾多鎗都絕對唔會死，但前提係唔好比其他人發現！因為被人發現嘅玩家要即場開一發實彈死一個同伴㗎！捉到人作弊嘅玩家仲可以得到3張命令卡，每張命令卡都十分強大，部分更能命令其他參加者將鎗頭從自己嘅頭拿開改指向其他人！隨時黎個戰況大逆轉，谷底都可以彈番起身！

賭命大賽，一隻令人享受墮入狂賭深淵的派對遊戲，仲唔快手買番副與朋友一齊感受依款令人玩到欲罷不能嘅鬥智賭命遊戲？賭け狂いましよう！

溫馨提示：賭錢等於賭錢落海，棋間限定呼籲各位切勿沉迷賭博

賭命大賽 - World Championship Russian Roulette

玩家人數: 2 - 6人

策略度: 派對遊戲

遊戲機制: 下注, 運氣, 口術

遊戲主題: 俄羅斯輪盤

遊玩時間: 20 - 30分鐘

語言版本: 繁體中文桌遊查詢及訂座 (電話/Whatsapp): 53935367

網上商店: http://bit.ly/boardgames-shop

*俄羅斯輪盤:（俄語：Русская рулетка）是一種自殺式玩命遊戲或酷刑方式，相傳源於俄羅斯。參與者在左輪手槍的六個彈巢放入一顆子彈，然後關上，之後將彈巢旋轉，參與者需輪流將彈巢在旋轉中的手槍，把槍口對著自己的腦袋按下扳機；直至有人中槍，或不敢按下扳機為止。

#賭命大賽 #俄羅斯輪盤 #賭け狂いましよう #狂賭之淵 #運氣驚 #派對遊戲 #桌遊相片 #桌遊現貨 #桌遊試玩 #香港桌遊店 #boardgameshk #棋間限定 ====================