桌遊介紹 | 名謎偵探（日文原名：名迷探偵）
「我要賭上你爺爺的名聲 ！兇手就係蝦！！」
名謎探偵係一個日本熱賣嘅輕推理類遊戲，經翻譯之後終於黎到香港啦！如果你喜歡犯人在跳舞的話，相信呢隻遊戲一定會啱晒你胃口。
遊戲卡牌有4種分別係：犯人、場地、兇器及動機。
每種卡牌有3款普通牌各4張，及1張特別牌。
而犯人、場地、兇器及動機背面有不同顏色，成為對玩家的提示。
遊戲開始時，我們把所有卡牌洗均後，抽出犯人、場地、兇器及動機各1張，面朝下放在場中央，這4張牌代表整個犯案過程。
作為名偵探嘅各位必須一次過估中蓋著嘅整個犯案過程，先估中嘅玩家為勝。
而其餘嘅牌則會平均分給玩家作為手牌，當玩家發現手牌有重覆嘅牌時必須將其打出。然後，由最少牌嘅玩家開始向順時針玩家抽一張牌，有一對嘅要打出。同時為方便推理，請將所有打出嘅牌按不同類別分開。
玩家按這些打出了的牌，跟其他玩家手牌上的顏色，推敲答案。在抽牌後，完結回合前，玩家可選擇發表宣言，指出蓋著嘅犯人、場地、兇器及動機是甚麼。然後，自己看答案，估中者勝，並揭開所有謎底。猜錯嘅，呵呵，會直接出局，保持謎底蓋著，並且將所有手牌打開成為其他玩家嘅線索，直到有玩家估中為止。
遊玩時間不長，大概10-15分鐘以內一局。遊戲十分容易上手，但亦有其深度。這遊戲絕對不是潛烏龜，當你玩了2-3局後就會明白。呢隻遊戲要有啲思考，適合一大班知己朋友動動腦筋啊！
由於現貨得一盒，有興趣嘅朋友可以上黎試玩同預訂啊！
#卡面都畫得幾靚又gag gag地
Комментарии