2019年5月7日

日本桌遊介紹 - Invictus the King Deluxe (インヴィクタス・ザ・キング)

好多時日本果邊嘅桌遊都係鐘意整到副game有幾細盒得幾細盒，因乜解救依隻明明可以淨係用卡就玩到嘅遊戲，個盒點解可以仲大過我個拳頭㗎！？

原來依副Invictus the King Deluxe豪華版入面有成塊面咁大嘅board，同5隻唔同顏色的木製棋仔。版圖係用來顯示每邊勢力含6格位置的戰場區域(前鋒3格，後列3格)以及最後面5格的後方支援區，而5隻棋子則用來顯示雙方5個陣營在王國的影響力。

Invictus the King(又名Art of War: The Card Game)是一款供2人遊玩的桌上遊戲，玩家分別擔任兩個國家的國王號令5個不同兵種，首先擊殺對方於戰場親自上陣的國王，或者遊戲完結時取得最大王國控制權的國王取勝。

雙方控制相同的5個兵種，當中包括：戰士(Warrior)、守衛(Guardian)、弓手(Archer)、神父(Priest)與及法師(Wizard)。每個兵種除了擁有不同的攻擊範圍、攻擊力與防禦力外，佢哋仲有唔同嘅支援效果，除咗直接派佢哋上陣之外亦能以支援形式使用，好似弓手的射箭支援能即時造成對手任意一支部隊受到傷害，又或者隨時叫守衛開盾陣支援抵消對手的攻擊等等......

遊戲流程十分簡單，每次輪到玩家回合時，會先抽卡然後選擇派一支軍隊上戰場<進軍>或者命令係戰場上任意數量的軍隊發起<攻擊>，期間亦可以從手牌打出任意次數的後方支援，回合結束時如玩家仍持有6張或以上手牌時，即可任選一張加入友方王國區以加強對王國的控制，每種於王國區的卡牌比較多的玩家取1分，除擊殺對方國王外，任一玩家於王國首先取得4分者亦可取得勝利。

遊戲中，每位玩家總共有20張卡牌，20張卡牌除了使用隨機派牌方式決定外，玩家更可以從每兵種各10張牌(共50張)中任意砌Deck，從此組個夢幻戰隊再不是夢。

總結，遊戲以簡單規則及部件設計成一個重玩性極高，揉合戰棋與卡牌遊戲的中古戰爭策略遊戲。遊戲中各樣設計均考慮兵種相克以及保留多種跑分路線取勝方式，更含有不少有趣機制，例如部隊執行攻擊後防禦力會變弱、剛好以一擊傷害擊敗對方部隊時還能擄獲他加入友方王國區增強勢力等。Invictus the King絕對算得上是一副能同時兼顧遊戲性以及平衡，極具主題性的2人對抗對戰遊戲。

講咗咁耐，有無覺得副棋啲畫似曾相識咁樣？無錯！Weberson Santiago亦都係Fuji同The Bloody In嘅插畫師嚟㗎！果種帶有魔性嘅美術風格實在令人欲罷不能！